بھارتی جارحیت کے بعد ڈی جی آئی ایس پی آر کی اہم پریس بریفنگ

بھارتی جارحیت پر پاک فوج کا بھرپور جواب، 5 طیارے، ڈرون اور چیک پوسٹس تباہ

ترجمان پاک فوج نے بھارتی جارحیت کے بعد اہم پریس بریفنگ میں کہا کہ دشمن کو بھرپور اور منہ توڑ جواب دیا گیا ہے۔

ڈی جی آئی ایس پی آر کا کہنا تھا کہ بھارت نے رات کی تاریکی میں بزدلانہ حملہ کرتے ہوئے دو مساجد، سول آبادی اور ہائیڈرو پاور منصوبے کے اسٹرکچر کو نشانہ بنایا۔

اس حملے کے نتیجے میں 26 معصوم شہری، جن میں دو بچے بھی شامل تھے، شہید ہوگئے جبکہ 46 افراد زخمی ہوئے۔

بھارت کے طیارے اور چیک پوسٹس تباہ

پاک فضائیہ نے جوابی کارروائی میں بھارت کے 5 جنگی طیارے، ایک ڈرون اور کئی اہم چیک پوسٹس تباہ کر دیں۔

دفاعی ذرائع کے مطابق بھارتی علاقوں میں شدید نقصان ہوا ہے اور پاکستان آئندہ بھی اسی طرح کا جواب دیتا رہے گا۔

وقت اور جگہ کا تعین ہم خود کریں گے: ڈی جی آئی ایس پی آر

ڈی جی آئی ایس پی آر نے واضح کیا کہ بھارتی جارحیت کا جواب کب اور کہاں دینا ہے، اس کا فیصلہ پاکستان خود کرے گا۔

انہوں نے کہا کہ دشمن کو غلط فہمی میں نہ رہنا چاہیے، پاک فوج مکمل تیاری کے ساتھ ہر چیلنج کا سامنا کرے گی۔

مزید خبریں: اسرائیل فلسطین کشیدگی | لائن آف کنٹرول کی صورتحال | ڈی جی آئی ایس پی آر اپڈیٹس